- Երբ մարդիկ ասում են, որ Երկիրը կլոր է՝ իրականում այն սեղմված սֆերոիդի տեսք ունի՝ այսինքն գունդ, որը վերևից և ներքևից մի փոքր սեղմված է:
2.
Երկրի մթնոլորտը բաղկացած է 5 շերտից՝ տրոպոսֆերա, ստրատոսֆերա, մեզոսֆերա, թերմոսֆերա և էքզոսֆերա: Ամենաստորին շերտը՝ տրոպոսֆերան, ամենաբարակն է, սակայն մեծամասամբ հենց այդ շերտի շնորհիվ է, որ մեր մոլորակում կյանք գոյություն ունի:
3.
Երկիր մոլորակի անապատների մեծ մասը ոչ թե ավազից են, այլ քարերից և խճաքարերից: Աշխարհի ամենամեծ անապատը՝ Սահարան զբաղեցնում է տարածք, որը հավասար է Աֆրիկայի տարածքի 1/3-ին կամ ԱՄՆ-ի ամբողջ տարածքին:
4.
Եթե հնարավոր լիներ գոլորշիացնել Երկիր մոլորակի բոլոր ծովերի և օվկիանոսների ջրերը, ապա դրա տակ մնացած աղի քանակությամբ հնարավոր կլիներ ամբողջ մոլորակը հավասարաչափ ծածկել 150 մետրանոց աղի շերտով:
5.
Ամեն տարի Երկիր մոլորակի վրա տեղի է ունենում մոտ մեկ միլիոն երկրաշարժ: Բարեբախտաբար դրանց մեծ մասը այնքան թույլ են, որ նույնիսկ չեն գրանցվում գերճշգրիտ չափիչ սարքերով:
6.
Եթե գտնեն Երկրի միջուկից ողջ ոսկին դուրս բերելու հնարը, այն կարող է մինչև ծնկաչափ շերտով ծածկել ողջ մոլորակը։
7.
Երբ կառուցվում էին բուրգերը, մամոնտները դեռ կենդանի էին։
8.
Կալիֆորնիա նահանգում գտնվող «Մահվան հովիտ» կոչվող տեղամասը համարվում է աշխարհի ամենաշոգ վայրը: Սակայն Լիբիայի Ալ-Ազիզիա կոչվող վայում ժամանակին գրանցվել է 57,8 աստիճան ջերմություն:
9.
Ամենացուրտ վայրը համարվում է Անտարկտիդայի Անհասանելիության բևեռ կոչվող վայրը, որտեղ ջերմաստիճանը հասնում է մինչև -57,8 աստիճանի:
10.
Երկիր մոլորակը գտնվում է Արեգակից մոտ 150 միլիոն կմ-ի վրա: Արևի լույսը մեր մոլորակին է հասնում ընդամենը 8 րոպե 19 վայրկյանում:
11.
Օվկիանոսները ծածկում են Երկրի մակերևույթի մոտ 70%-ը, սակայն մարդիկ առայժմ ուսումնասիրել են դրանց միայն 5%-ը: Օվկիանոսի մնացած 95%-ը մարդը դեռ չի տեսել:
12.
Ըստ գիտնականների՝ Երկիր մոլորակը 4.54 միլիարդ տարեկան է: